دہلی میں اردو اکادمی غیر اردوداں حضرات کے اردو سیکھنے کی خاطر راجدھانی دہلی کے مختلف حصوں میں 7 اردو سرٹیفکیٹ کورس سینٹر (مفت) چلا رہی ہے۔ دہلی یونیورسٹی سے ملحق اس ایک سالہ کورس میں داخلے کے لیے اہلیت کی کم از کم شرط سینئر سیکنڈری ہے۔ اکادمی کی جانب سے اس کورس کے طلباء کو نصابی کتابیں مفت فراہم کی جاتی ہیں۔ اس کورس میں داخلہ لینے والے طلبا کا تعلق زندگی کے مختلف شعبوں سے ہوتا ہے جن میں سرکاری ملازم، ڈاکٹر، وکیل، پولیس اہلکار، فنکار اور ڈراما نگار وغیرہ شامل ہیں۔ یہ اردو اکادمی کی ایک منظور شدہ اور باقاعدہ سالانہ اسکیم ہے۔ اس کورس کا دورانیہ ایک سال ہے اور ہفتے کے پہلے 4 دنوں میں شام 6:00 بجے سے 7:00 بجے تک اس کی پڑھائی ہوتی ہے۔