Category Archives: Sher of the Day

رکھنا ہے کہیں پاؤں تو رکھو ہو کہیں پاؤں چلنا ذرا آیا ہے تو اترائے چلو ہو کلیم عاجز

 چھوٹی پڑتی ہے انا کی چادر پاؤں ڈھکتا ہوں تو سر کھلتا ہے تابش دہلوی

ہائے کیا دور زندگی گزرا واقعے ہو گئے کہانی سے گلزار دہلوی

دل محبت سے بھر گیا بیخودؔ اب کسی پر فدا نہیں ہوتا بیخود دہلوی

وفاؤں کے بدلے جفا کر رہے ہیں میں کیا کر رہا ہوں وہ کیا کر رہے ہیں بہزاد لکھنوی

 کسے خبر تھی کہ لے کر چراغ مصطفوی جہاں میں آگ لگاتی پھرے گی بو لہبی جمیل مظہر

 کچھ سمجھ کر ہی ہوا ہوں موج دریا کا حریف ورنہ میں بھی جانتا ہوں عافیت ساحل میں ہے وحشت کلکتوی

کچھ اصولوں کا نشہ تھا کچھ مقدس خواب تھے ہر زمانے میں شہادت کے یہی اسباب تھے حسن نعیم

روئیں نہ ابھی اہل نظر حال پہ میرے ہونا ہے ابھی مجھ کو خراب اور زیادہ اسرار الحق مجاز

یہ مانا زندگی ہے چار دن کی بہت ہوتے ہیں یارو چار دن بھی فراق گورکھپوری