Category Archives: Sher of the Day

ریل دیکھی ہے کبھی سینے پہ چلنے والی یاد تو ہوں گے تجھے ہاتھ ہلاتے ہوئے ہم نعمان شوق

بس ایک پل کے لیے مجھ کو روشنی ملتی وہ ایک پل تو مرا کامیاب کر دیتا منیر ہمدم

سمٹے ہوئے جذبوں کو بکھرنے نہیں دیتا یہ آس کا لمحہ ہمیں مرنے نہیں دیتا ذکی طارق

کچھ نہیں بولا تو مر جائے گا اندر سے شجاعؔ اور اگر بولا تو پھر باہر سے مارا جائے گا شجاع خاور

بے مصرف بے حاصل دکھ جینے کے نا قابل دکھ عبد الاحد ساز

رات کو جیت تو پاتا نہیں لیکن یہ چراغ کم سے کم رات کا نقصان بہت کرتا ہے عرفان صدیقی

آپ کے جاتے ہی ہم کو لگ گئی آوارگی آپ کے جاتے ہی ہم سے گھر نہیں دیکھا گیا عبداللہ جاوید

جب سرابوں پہ قناعت کا سلیقہ آیا ریت کو ہاتھ لگایا تو وہیں پانی تھی مظفر حنفی

میں وہ صحرا جسے پانی کی ہوس لے ڈوبی تو وہ بادل جو کبھی ٹوٹ کے برسا ہی نہیں سلطان اختر

آسمانوں پہ اڑو ذہن میں رکھو کہ جو چیز خاک سے اٹھتی ہے وہ خاک پہ آ جاتی ہے فرتاش سید