اردو اکادمی، دہلی

دہلی جسے عرصۂ دراز سے ملکی زبانوں کی نشو و نما و ارتقا کے مرکز کے طور پر جانا جاتا ہے، اردو زبان سے ایک خاص تعلق رکھتی ہے۔ اردو ایک تحریری زبان کے طور پر 800 سال پہلے   دہلی اور اس کے قرب و جوار میں وجود میں آئی اور اس کا مآخذ اس علاقے کی مقامی بولیاں تھیں۔ طوطیٔ ہند امیر خسروؒ اردو کی اس علاقے میں قدیم موجودگی کو دیکھتے ہوئے اسے ’’زبانِ دہلی‘‘ کا نام د یتے ہیں۔ سرزمینِ دہلی کی یہ زبان وہ واحد ہندوستانی زبان ہے جس کو فارسی بو   لنے والے مغلوں نے اپنایا اور ان کے دور میں اسے ’’اردو معلیٰ‘‘ کے نام سے جانا جانے لگا۔ حضرت امیر خسروؒ، غالبؔ، داغؔ، دردؔ ، سوداؔ، مومنؔ، ذوقؔ اور ظفرؔ جیسی اردو کی عظیم شخصیتوں کا تعلق اسی شہرِ دہلی سے تھا۔ اردو زبان اور ادب کے اس عظیم ورثے کے تحفظ اور فروغ کے   لیے ایک فعال اعلیٰ ادارے کی دیرینہ ضرورت کو پورا کرنے کے  لیے حکومتِ دہلی نے اردو اکادمی، دہلی قائم کی ۔ اپنے قیام کے دن سے ہی اکادمی اردو زبان کے تحفظ اور ترقی کی ہمہ جہتی کوششوں میں سرگرمِ عمل ہے۔ اکادمی نے اپنی معیاری اشاعتوں اور عمدہ ادبی اور ثقافتی پروگرام کے   لیے قومی اور بین الاقوامی سطح پر پذیرائی حاصل کی ہے۔ 1