اکادمی ہر سال مختلف موضوعات پر سمینار منعقد کرتی ہے۔ اس کے علاوہ ا یسے مذاکرے بھی منعقد کیے جاتے ہیں جن میں بد لتے حالات میں اردو ادب کا موجودہ منظرنامہ، عصری مسائل اور ادبی و تنقیدی مباحث شامل ہوتے ہیں۔ سمیناروں کے لیے ا یسے موضوعات کا انتخاب کیا جاتا ہے جو اردو ادب کی تمام اصناف کا احاطہ کرسکیں نیز اردو اسکالرز سمینار میں پڑھے گئےمقالوں سے استفادہ کرکے ادبی و فنی روایتوں سے واقف ہوسکیں اور اس سے اکادمی کابنیادی مقصد اردو ادب کا فروغ بھی ہو۔
