اردو اکادمی، دہلی میں آپ کا خیر مقدم ہے

حکومتِ دہلی نے سنہ 1981 میں دہلی کے لسانی اور ثقافتی ورثے کے ایک اہم جز کے طور پر اردو زبان اور تہذیب کے فروغ اور ارتقا کے  لیے اردو اکادمی ، دہلی قائم کی۔ اکادمی اردو ،ادب اور لسانی تہذیب کے تحفظ اور ترقی کے  لیے ہمہ جہتی اقدامات کرتی ہے جن میں اشاعتِ کتب، انعامات کی پیشکش، وظائف کا اجرا، ادبی، صحافتی تقریبات ، سمینارز اور لیکچرز کا انعقاد شامل ہے۔ مزید برآں اکادمی اردو زبان شناسی، خطاطی اور کمپیوٹر ایپلیکیشن کے معیاری کورسز فراہم کرتی ہے اور طلبہ کے   لیے علمی و ادبی مقا  بلے اور سمر کیمپ بھی منعقد کرتی ہے۔