اردو اکادمی، دہلی کے قواعد و ضوابط:
1 نام:
سوسائٹی کا نام اردو اکادمی دہلی ہے
2 تشریح:
ان قواعد و ضوابط میں، جب تک کہ سیاق و سباق کی ضرورت نہ ہو، دیئے گئے الفاظ و اصطلاحات کے درج ذیل معانی مراد لیے جائیں گے:-
- 2(i) "ایکٹ" سے مراد ہے سوسائٹیز رجسٹریشن ایکٹ 1860 (پنجاب ترمیمی ایکٹ 1957) بمطابق توسیع ا ز مرکز کا ز یر انتظام علاقہ دہلی۔
- 2(ii) "سوسائٹی" سے مراد ہے اردو اکادمی دہلی۔
- 2(iii)"کمیٹی (کمیٹیز)" سے مراد وہ کمیٹی (کمیٹیز) ہے جسے سوسائٹی کے خاص مقصد کے لیے ایگزیکٹو کمیٹی تشکیل کر سکتی ہے۔
- 2(iv)"ممبر" کا مطلب ہے سوسائٹی کا ممبر۔
- 2(v) "ایگزیکٹیو کمیٹی" سے مراد سوسائٹی کی ایگزیکٹو کمیٹی ہے جو ان قواعد کے تحت تشکیل دی گئی ہے۔
- 2(vi) "صدر/چیئرمین" سے مراد سوسائٹی کا صدر/چیئرمین ہے جیسا کہ ذیل کی شق میں بیان کیا گیا ہے۔
- 2(vii)"سکریٹری" سے مراد سوسائٹی کا سکریٹری ہے۔
3. ممبرشپ:
اکادمی درج ذیل پر مشتمل ہو گی:-
- 3.(i) **محکمہ فن، ثقافت و السنہ کے معزز وزیر (انچارج) اردو اکادمی، دہلی کے صدر/چیئرمین ہوں گے جیسا کہ وزیر اعلیٰ دہلی نے 27.8.2018 کو ترمیم کی تھی۔ یہ ترمیم کابینہ کے فیصلہ نمبر 2622 مورخہ 7.8.2019 کے ذریعے بھی کی گئی تھی۔
- 3(ii) ***کم از کم 10 (بشمول ممبران بہ لحاظ منصب) کو معزز وزیر انچارج محکمہ فن، ثقافت و السنہ، دہلی/چیئرمین، اردو اکادمی، دہلی کے ذریعے نامزد کیا جائے گا۔ حکومت قومی دارالحکومت علاقہ دہلی، حکومت ہند یا اپنی ذاتی یا سرکاری حیثیت میں کسی مقامی ادارہ کے افسران یا دیگر ممتاز ادبی شخصیات جو اردو اکادمی، دہلی کے مقاصد کے حصول میں مدد گار ثابت ہوسکتی ہیں،ان میں شامل ہوسکتی ہیں، جیسا کہ 27.8.2018 کو دہلی کے معزز وزیر اعلیٰ نے ترمیم کی تھی۔
- 3(iii) اکادمی کے سکریٹری کا تقرر حکومت دہلی کے ذریعے ضمیمہ "A" میں شرائط و ضوابط کے مطابق کیا جائے گا۔
- *ایگزیکٹیو ڈائریکٹر کا لفظ قرارداد نمبر 3 کے ذریعے تبدیل کیا گیا ہے۔
- **اردو اکادمی، دہلی کے قواعد و ضوابط کے قاعدہ 16(vi) کے تحت دہلی کے وزیر اعلیٰ/چیئرمین اردو اکادمی، دہلی کے ذریعے طاقت کے استعمال کا اختیار دیا گیا ہے۔ اردو اکادمی، دہلی کے قواعد و ضوابط میں ترامیم اور اضافہ Prscm/18/447 مورخہ 20.8.2018 یعنی قاعدہ 3 (i) اور قاعدہ 3 (ii) کے ذریعے کیا گیا ہے۔
- 3(iv) منتخب امیدوار کا تقرر اس کے اصل محکمے کے علاوہ حکومت قومی دارالحکومت علاقہ دہلی کے ذریعہ وقتاً فوقتاً تجویز کردہ ڈیپوٹیشن پے اسکیل پر کیا جائے گا۔
- 3(v) سکریٹری محکمہ کا سربراہ ہونے کے ناطے تمام انتظامی ا و ر مالی اختیارات کا استعمال حکومت قومی دارالحکومت علاقہ دہلی کے محکمہ کے سربراہ کی ہدایات کی روشنی میں کرے گا ۔
4 اکادمی کی ممبرشپ کے شرائط و ضوابط:
- 4(i) ممبران بہ لحاظ منصب اسی وقت تک اکادمی کے ممبر سمجھے جائیں گے جب تک کہ وہ اس عہدے پر ر ہتے ہیں جس کی وجہ سے وہ قاعدہ 3(ii) کے تحت ممبر مقرر ہوئے تھے۔
- 4(ii) ممبران بہ لحاظ منصب کے علاوہ ہر ممبر کی مدت کار کی شرائط (بحوالہ ضابطہ 3(ii) اس کی تقرری کی تاریخ سے دو سال ہو گی "یا پھر، بہ لحاظ منصب ممبران کے علاوہ ممبر کی مدت کار ان کے متعلقہ جانشینوں کی تقرری تک جاری رہے گی۔"
- 4(iii) کوئی ممبر اکادمی کا رکن نہیں رہے گا اگر وہ مستعفی ہو جائے، دماغ کی خرابی کا شکار ہو جائے، اسے دیوالیہ قرار دیا جائے یا اخلاقی پستی میں ملوث مجرمانہ جرم کا مرتکب ہو یا اسے وزیر انچارج (فن، ثقافت و السنہ) دہلی کے ذریعہ اکادمی کی مسلسل دو میٹنگوں میں بغیر کسی معقول وجہ کے یا ان کی طرف سے کافی سمجھی جانے والی کسی دوسری وجہ سے غیر حاضر رہنے پر ہٹا دیا جائے۔ اس سلسلے میں وزیر انچارج (فن، ثقافت و السنہ) دہلی کا فیصلہ حتمی ہو گا۔
- 4(iv) جب بھی قاعدہ 3(ii) میں مذکورہ ممبر بہ لحاظ منصب کے علاوہ کوئی ممبر اکادمی کی ممبرشپ سے استعفیٰ دینا چاہے گا تو وہ اکادمی کے صدر کے نام استعفیٰ نامہ بھیجے گا اور استعفیٰ صدر کی طرف سے قبول کیے جانے پر اثر انداز ہو گا۔
- 4(v) اکادمی کی ممبرشپ میں ممبر بہ لحاظ منصب کے علاوہ کوئی بھی خالی جگہ، وزیر انچارج (فن، ثقافت و السنہ)، دہلی کے ذریعے پُر کی جائے گی اور مقرر کردہ شخص اکادمی کی میقات کی باقی مدت کار تک اس عہدے پر فائز رہے گا۔
- 4(vi) اکادمی اپنا کام کرے گی اگرچہ اس کی باڈی میں کوئی جگہ پُر نہ ہوئی ہو اور اگرچہ اس کے کسی ممبر کی نامزدگی نہ ہوئی ہو اور اگرچہ کسی ممبر کی نامزدگی یا تقرری میں کوئی کام نہ ہوا ہو یا کسی قسم کی خرابی ہو۔
5 صدر:
وزیر انچارج، (فن، ثقافت و السنہ)، دہلی اردو اکادمی، دہلی کے صدر/چیئرمین ہوں گے۔
6 نائب صدر:
- 6(i) *** چیئرمین/معزز وزیر انچارج اے سی ایل، دہلی اور چیئرمین، اردو اکادمی، دہلی اس کے ممبران بہ لحاظ منصب اور اکادمی کے سکریٹری کے علاوہ ممبران میں سے ایک نائب صدر/نائب چیئرمین کو نامزد کریں گے۔
- 6(ii) مذکورہ بالا قاعدے کے تحت نامزد نائب صدر/نائب چیئرمین اکادمی کے اجلاس کی صدارت کرے گا اور صدر/چیئرمین کی غیر موجودگی میں صدر کے تمام اختیارات استعمال کرے گا۔
**اردو اکادمی، دہلی کے قواعد و ضوابط کے قاعدہ 16(vi) کے تحت دہلی کے معزز وزیر اعلیٰ/چیئرمین، اردو اکادمی، دہلی کی طاقت کے استعمال کا اختیار دیا گیا۔ اردو اکادمی، دہلی کے قاعدہ نمبر 5 اور 6(i) اور 6(ii) میں ترمیم نمبر شمار Pmcm/18/447 مؤرخہ 20.8.2018 کو دہلی کے وزیر اعلیٰ/چیئرمین کے ذریعے کی گئی ہے۔
7 سکریٹری:
- 7(i) سکریٹری کو وزیر انچارج (ACL)، دہلی کے ذریعہ مقرر کیا جائے گا اس مدت کے لیے جو پہلی بار دو سال سے زیادہ نہ ہو اور سال بہ سال کی بنیاد پر قابل تجدید ہو، بعد میں جو مناسب سمجھا جائے اور اس کے لیے اس طرح کا کنویئنس الاؤنس منظور کیا جائے گا اور دیگر سہولیات دی جائیں گی جو اس کی ڈیوٹی کی مؤثر کارکردگی کے لیے سازگار ہوں۔
- 7(ii) سکریٹری صدر کی مجموعی نگرانی اور رہنمائی کے تحت اکادمی کے یومیہ کام کی نگرانی کرے گا۔
- 7(iii) سکریٹری کو اتنے پیڈ - اسٹاف کی مدد فراہم کی جائے گی جتنے کی اکادمی کے مؤثر کام کے لیے ضرورت ہو۔
8 سکریٹری کے دیگر کام:
- 8(i) کمیٹی کی طرف سے دی جانے والی ہدایات کے تابع، سکریٹری پرنسپل ایگزیکٹو آفیسر ہو گا جو چیئرمین کی ہدایت اور رہنمائی کے تحت اکادمی کے مناسب انتظام کے لیے ذمہ دار ہوگا۔
- 8(ii)) سکریٹری اکادمی کی سالانہ رپورٹ، اکاؤنٹس اور بجٹ کی تیاری حکومت کی طرف سے تجویز کردہ شکل میں کرنے کے لیے ذمہ دار ہوگا۔
- 8(iii) سکریٹری عملہ کے ارکان کے فرائض کی وضاحت کرے گا اور اس طرح کی نگرانی اور تادیبی کنٹرول کا استعمال کرے گا جیسا کہ ضروری ہو۔
- 8(iv) سکریٹری مصنفین اور مترجمین کو ان کے کاموں کے حوالے سے منتخب کرے گا، مخطوطات کی جانچ کرے گا، ان میں ترمیم کرے گا اور چیئرمین کی منظوری کے بعد ان کی طباعت کا انتظام کرے گا۔ وہ اکادمی کے حق میں حکومت کے مختلف محکموں اور دیگر اداروں کے ساتھ بھی رابطہ برقرار رکھے گا۔
9 اکادمی کا اجلاس:
- 9(i) ایگزیکٹو سال میں کم از کم دو بار میٹنگ کرے گا۔ اکادمی کا اجلاس بلانے کے لیے اراکین کو پندرہ دن کا نوٹس دینا ضروری ہوگا۔
- 9(ii) اجلاس صدر/چیئرمین سے مشاورت کے بعد سکریٹری کے ذریعے بلایا جائے گا۔
- 9(iii) اکادمی کی میٹنگ کے لیے آٹھ ممبران پر ایک کورم کی تشکیل ہوگی البتہ کورم کی کمی کی وجہ سے ملتوی ہو چکے مطلع کردہ کاروبار کے لین دین کے لیے طلب اجلاس کے پھرمنعقد ہونے پر کورم کی ضرورت نہیں ہوگی۔
- 9(iv) ہر میٹنگ کی کارروائی کا ریکارڈ رکھا جائے گا۔
- 9(v) اجلاس میں موجود ممبران کی اکثریت کا فیصلہ اکادمی کا فیصلہ سمجھا جائے گا۔
- 9(vi) سال کا پہلا اجلاس، جو عام طور پر 31 مارچ سے پہلے منعقد ہوگا، سالانہ عمومی اجلاس ہوگا۔
- 9(vii) اکادمی کا خصوصی اجلاس طلب کیا جا سکتا ہے اگر درج ذیل شرائط پوری ہوں:
- 9(vii)(a) درخواست اکادمی کے کم از کم سات ممبران کی طرف سے دی گئی ہو۔
- 9(vii)(b) درخواست سکریٹری کو تحریری طور پر متعلقہ ممبران کے دستخط کے ساتھ دی گئی ہو۔
- 9(vii)(c) وہ ضروری موضوع جس کے لیے میٹنگ کی ضرورت ہے، خاص طور پر بیان کیا گیا ہو۔
- 9(viii) وائس چیئرمین، اردو اکادمی اردو اکادمی کی ذیلی کمیٹیوں اور ایگزیکٹو کمیٹی کے اجلاس کی صدارت محکمہ فن، ثقافت و السنہ کے معزز وزیر (انچارج)/ اردو اکادمی کے چیئرمین/ صدر کی غیر موجودگی میں کرے گا۔
- 9(ix) وائس چیئرمین، اردو اکادمی اردو اکادمی کی گورننگ کونسل کے اجلاس کی صدارت محکمہ فن، ثقافت و السنہ کے معزز وزیر (انچارج)/ اردو اکادمی کے چیئرمین/ صدر کی غیر موجودگی میں کرے گا۔
10 سالانہ عمومی اجلاس میں کئے جانے والے کام:
- 10(i) اکادمی کے سالانہ عمومی اجلاس میں، سکریٹری پیش کرے گا۔
- 10(i)(a) اکادمی کا سالانہ بجٹ جو ا گلے مالی سال کے لیے ممکنہ آمدنی اور اخراجات کے تخمینے اور رواں سال کے ضمنی مطالبات کی نشاندہی کرتا ہو۔
- 10(i)(b) اکادمی کے پچھلے سال کے کام کے بارے میں انتظامی رپورٹ اور مستقبل کے کام کے پروگرام کا خاکہ۔
- 10(i)(c) ایک بیلنس شیٹ، جس میں مالی سال کے اثاثوں اور واجبات کا آڈیٹرز کے ذریعہ مصدقہ اختصار ہو۔
- 10(i)(d) کوئی دوسرا معاملہ جو صدر کی منظوری کے ساتھ پیش کیا جا سکتا ہو۔
- 10(ii) بیلنس شیٹ کی کاپیاں، مالی گوشوارہ اور اکادمی کے کام کی رپورٹ جو اوپر قاعدہ (i) میں مذکور ہے اکادمی کے سکریٹری کی طرف سے وزیر انچارج (ACL)، دہلی کو سالانہ عمومی اجلاس پندرہ دن کے اندر بھیجی جائے گی۔
11 مجلس عاملہ:
یہ کمیٹی درج ذیل افراد پر مشتمل ہو گی:
- 11(a) اکادمی کے صدر۔۔۔۔۔۔۔۔۔۔۔۔۔۔ چیئرمین۔
- 11(b) اکادمی کے نائب صدر ۔۔۔۔۔۔۔۔۔۔ نائب چیئرمین۔
- 11(c) قاعدہ کے تحت اکادمی کے نائب صدر کے نامزد رکن کو چھوڑ کر شق 3(ii) میں شامل افراد میں سے چیئرمین کے ذریعہ منتخب کردہ پانچ (5) ممبران۔
- 11(d) اکادمی کے سکریٹری ۔۔۔۔۔۔۔۔۔۔۔۔۔۔۔۔۔ کنوینر۔
- 11(e) اکادمی کا سکریٹری ایگزیکٹو کمیٹی کا کنوینر ہوگا۔
**اردو اکادمی، دہلی کے قواعد و ضوابط کے قاعدہ 16(vi) کے تحت عزت مآب وزیر اعلیٰ، دہلی/چیئرمین، اردو اکادمی، دہلی کے ذریعے عطا کردہ اختیار کا استعمال۔ دہلی کے عزت مآب وزیر اعلیٰ/چیئرمین، اردو اکادمی، دہلی کے توسط سے Prscm/18/447 مورخہ 20.8.2018 کے ذریعے قاعدہ نمبر 9(viii) اور 9(ix) کو جوڑا گیا ۔
- 11(f) ۔ ایگزیکٹو کمیٹی کے چیئرمین اور ارکان کے عہدے کی مدت اکادمی کی مدت کے ساتھ 2 سال جاری رہے گی۔
- 11(g) ۔ ضابطے کے ذیلی قواعد (i) اور (iii) سے (iv) کا اطلاق کمیٹی کے ارکان پر بھی ہوگا۔
- 11(h) ۔ اگر کوئی رکن بغیر کسی معقول وجہ کے کمیٹی کے لگا تار تین اجلاس میں شرکت نہیں کرتا ہے تو وہ وزیر انچارج اے سی ایل ، دہلی / چیئرمین، اردواکادمی ، دہلی کی طرف سے اس سلسلے میں نوٹیفکیشن جاری ہونے کے بعد کمیٹی کا رکن نہیں رہے گا۔
12 ایگزیکٹو کمیٹی کے اختیارات:
- 12(i) ۔ کمیٹی معاملات پر اکادمی کے فیصلوں کو نافذ کرے گی اور اکادمی کے کام کو جاری رکھنے کا انتظام کرے گی۔
- 12(ii) ۔ کمیٹی کے پاس وہ تمام اختیارات ہوں گے جو اکادمی کے مقاصد کو انجام دینے کے لیے ضروری یا مناسب ہوں جیسا کہ میمورنڈم آف ایسوسی ایشنز میں بیان کیا گیا ہے۔
- 12(iii) ۔ ذیلی قاعدہ (i) اور (ii) کی طرف سے عطا کردہ اختیارات کی عمومیت کو متاثر کیے بغیر کمیٹی کو درج ذیل اختیارات حاصل ہوں گے:-
-
- 12(iii)(a) اردو میں کتابوں اور دیگر لٹریچر کی تیاری اور اشاعت کے حوالے سے اپنی پالیسی وضع کرنا۔
- 12(iii)(b) اپنے کاروبار اور انتظامیہ کو چلانے کے لیے قوانین بنانا، اپنانا اور اس میں تبدیلی لانا۔
- 12(iii)(c) اکادمی کے عملہ کی تقرری کرنا، ان کی تصدیق کرنا، انہیں چارج سے ہٹانا اور ان کی برخاستگی۔
- 12(iii)(d) اکادمی کی منظوری سے اکادمی کے ملازمین کی سروس کی شرائط مقرر کرنا۔
- 12(iii)(e) اکادمی کے فنڈز وصول کرنا، اسے رکھنا اور خرچ کرنا اور اس کی جائیداد کی دیکھ ریکھ کرنا اور معاملات کو دیکھنا۔
- 12(iii)(f) اکادمی کی سابقہ منظوری کے ساتھ اور صدر کی منظوری سے کسی بھی جائیداد کو خریدنا، قرض لینا یا دوسری صورت میں حاصل کرنا یا فروخت کرنا۔
- 12(iii)(g) اکادمی کے کسی بھی کام کو انجام دینے کے لیے صدر/چیئرمین/عزت مآب وزیر(انچارج)، اے سی ایل، حکومت دہلی کی اجازت سے ا یک یا زیادہ ذیلی کمیٹیوں کا تقرر کرنا۔
- 12(iii)(h) کسی بھی کام کو انجام دینے میں مشورہ حاصل کرنے کے مقصد سے کسی بھی رکن یا ارکان (تین سے زیادہ نہ ہوں) کورکنیت میں شامل کرنا۔
13 ایگزیکٹو کمیٹی کا اجلاس:
- 13(i) کمیٹی ہر مہینے میں کم از کم ایک بار میٹنگ کرے گی اور ایسی ہر میٹنگ کے لیے کم از کم 3 دن کا نوٹس ضروری ہوگا۔ لیکن ہنگامی میٹنگ 24 گھنٹے کے نوٹس پر طلب کی جا سکتی ہے۔
- 13(ii) سکریٹری کمیٹی کا کنوینر ہوگا اور وہ چیئرمین کی مشاورت سے اجلاس بلائے گا۔
- 13(iii)(c) ہر میٹنگ کی کارروائی کا ریکارڈ رکھا جائے گا۔
**اردو اکادمی، دہلی کے قواعد و ضوابط کے قاعدہ 16(vi) کے تحت دہلی کے معزز وزیر اعلیٰ/چیئرمین، اردو اکادمی، دہلی کے ذریعہ پاور کے استعمال کا اختیار دیا گیا ہے۔ قاعدہ نمبر 12 (iii) ((g میں ترمیم نمبرشمار Pmcm/18/447 مؤرخہ 20.8.2018 دہلی کے وزیر اعلیٰ/چیئرمین، اردو اکادمی، دہلی کے ذریعے کی گئی ہے۔
- 13(iv) اجلاس میں موجود ممبران کی اکثریت کے فیصلے کو کمیٹی کا فیصلہ تصور کیا جائے گا۔
- 13(v) چیئرمین اور اس کی غیر موجودگی میں وائس چیئرمین اس کمیٹی کے تمام اجلاس کی صدارت کرے گا، البتہ اگر دونوں کسی اجلاس میں غیر حاضر ہوں تو موجود ممبران میں سے کوئی ایک اجلاس کی صدارت کر سکتا ہے۔
14 فائنانس اکاؤنٹ اور آڈٹ:
- 14(i) اکادمی باقاعدہ کھاتوں اور دیگر متعلقہ ریکارڈز کو بنائے رکھے گی۔
- 14(ii) اکادمی کے اکاؤنٹس کا سالانہ آڈٹ اکادمی کے مقرر کردہ آڈیٹرز کے ذریعہ کیا جائے گا۔
15 خزانچی:
- 15(i) اکادمی کا صدر مالی قواعد و ضوابط کی معلومات رکھنے والے شخص کو اکادمی کا خزانچی مقرر کر سکتا ہے اور اس کے لیے مناسب معاوضہ یا کنویئنس الاؤنس منظور کر سکتا ہے۔
- 15(ii) بینک کے کھاتے خزانچی اور سکریٹری کے دستخط کے ذریعے اور ان کے تحت چلائے جائیں گے۔
16 عام التزامات:
- 16(i) اکادمی کی جائیدادوں سے حاصل ہونے والی آمدنی کا استعمال اس کے مقاصد کے فروغ کے لیے کیا جائے گا جیسا کہ میمورنڈم آف ایسوسی ایشن میں بیان کیا گیا ہے۔ اکادمی کی آمدنی اور جائیداد کا کوئی حصہ براہ راست یا بالواسطہ طور پر ڈیویڈنڈ، بونس یا بصورت دیگر ماضی یا حال کے ممبران کو ادا یا منتقل نہیں کیا جائے گا۔
- 16(ii) اکادمی سے متعلق تمام معاہدوں اور دیگر آلات اکادمی کے نام سے کیے جانے کو ظاہر کیا جائے گا اور اکادمی کی جانب سے سکریٹری کے ذریعے عمل میں لایا جائے گا اور اسی مقصد کے لیے ایگزیکٹو کمیٹی کے ذریعے کمیٹی کے ایک ممبر کو نامزد کیا جائے گا۔
- 16(iii) اکادمی کے ممبران یا کسی ایگزیکٹو کمیٹی کے نامزدگان جو حکومت دہلی یا مرکزی حکومت یا قانونی اداروں کے ملازم ہیں، وہ اپنے متعلقہ سرکاری/قانونی اداروں کے قواعد کے مطابق سفر یا یومیہ الاؤنس کے حقدار ہوں گے، اکادمی کے دیگر ممبران حکومت ہند کے درجہ اول کے ملازمین کے لیے قابل قبول یو میہ اور سفری الاؤنس حاصل کریں گے۔
- 16(iv) کسی تنازعہ کو چاہے وہ ان قواعد کی تشریح کے بارے میں ہو یا کسی ایسے معاملے پر، وزیر انچارج (ACL)، دہلی کو بھیجا جائے گا اور اس پر ان کا فیصلہ حتمی ہوگا۔
17 تحلیل:
اگر اکادمی کے تحلیل ہونے پر قرضوں اور واجبات کی ادائیگی کے بعد کوئی جائیداد بچ جاتی ہے تو اسے حکومت دہلی کی ہدایت کے مطابق نمٹایا جائے گا۔
18 قواعد میں ترمیم:
قواعد میں ترمیم، اضافہ یا تبدیلی اکادمی کی جنرل باڈی میٹنگ میں کی جا سکتی ہے جسے خاص طور پر اس مقصد کے لیے ایگزیکٹو کمیٹی کے ذریعہ یا اکادمی کے کم از کم 8 ممبران کے ذریعے طلب کیا گیا ہو۔ سکریٹری پندرہ دن کے نوٹس کے بعد صدر کی مشاورت سے ایسی میٹنگ طلب کرے گا۔
19 مقدمات:
اردو اکادمی، دہلی پر یا اردو اکادمی، دہلی کے ذریعہ اپنے سکریٹری کے توسط سے مقدمہ کیا جا سکتا ہے۔
-